வெளிவிவகார, வெளிநாட்டு வேலைவாய்ப்பு மற்றும் சுற்றுலா துறை அமைச்சர் விஜித ஹேரத், இலங்கையின் சமரசம் மற்றும் புதிய அரசியல் பண்பாட்டை உருவாக்கும் அரசியல் மறுசீரமைப்பை  மீண்டும் வலியுறுத்தினார்.

ஜெனீவாவில் நடைபெற்ற 60ஆவது ஐ.நா. மனித உரிமை பேரவைக் கூட்டத்தில் நேற்று (08) உரையாற்றிய அமைச்சர், உள்ளூர் செயல்முறைகள் வழியாக தேசிய ஒற்றுமை மற்றும் சமரசம் நோக்கில் எடுக்கப்பட்ட முன்னேற்றங்களை எடுத்துரைத்தார். மேலும், இலங்கைக்கு நேரமும் இடமும் வழங்குமாறு பேரவையிடம் கோரினார்.

மொத்தம் 43 நாடுகள் கலந்துகொண்ட இவ் உச்சி மாநாட்டில் , பல நாடுகள் இலங்கையின் ஒத்துழைப்பை வரவேற்று, உள்ளூர்மயமான செயல்முறைகளுக்கு ஆதரவளிக்க வேண்டும் எனக் குறிப்பிட்டன. அதேசமயம், சிலர் இரட்டை நிலைப்பாடுகள், அரசியலாக்கம் மற்றும் வெளிப்புற கட்டாய நடைமுறைகளை விமர்சித்தனர்.

ஐ.நா. மனித உரிமைகள் உயர்மட்ட ஆணையாளர் வொல்கர் டர்க், தாம் ஜூன் 2025 இல் இலங்கைக்கு வந்தபோது, அரசியல் தலைவர்கள், மத தலைவர்கள் மற்றும் சமூகங்களுடன் திறந்த உரையாடல்கள் மேற்கொள்ள வாய்ப்பு கிடைத்ததைப் பாராட்டினார்.

இலங்கை பிரதிநிதித்துவத்தை அமைச்சர் ஹேரத் வழிநடத்தினார். அவருடன் தூதர் ஹிமாலி அருணதிலகா, டயனி மேண்டிஸ் மற்றும் ஜெனீவா நிரந்தரப் பிரதி மிஷனின் தூதர்கள் இணைந்திருந்தனர்.