ඉන්දීය මාධ්‍ය වාර්තාවලට අනුව, මේ වන විට ඉන්දියාවේ COVID-19 රෝගීන් 6,491 ක් සිටී. මෙය ලොව පුරා පැතිර යන නව වර්ගයේ කොවිඩ් වෛරසය නිසාය.
පසුගිය පැය 24 තුළ නව රෝගීන් 7 දෙනෙකු හඳුනාගෙන ඇති බව වාර්තා වී ඇති අතර, මෙම නව වර්ගයේ පැතිරීමෙන් වැඩිම බලපෑමට ලක්ව ඇත්තේ කේරළ ප්‍රාන්තයයි.
මහාරාෂ්ට්‍ර, කර්ණාටක, ගුජරාට්, දිල්ලි, බටහිර බෙංගාලය, උත්තර් ප්‍රදේශ්, තමිල්නාඩු සහ හර්යානා ප්‍රාන්තවල ද ක්‍රියාකාරී රෝගීන් සංඛ්‍යාව ඉහළ ගොස් තිබේ.
මේ වසරේ ජනවාරි 1 වනදා සිට කොවිඩ් මරණ 65 ක් වාර්තා වී තිබේ. මෙම මරණ සිදුවී ඇත්තේ උත්තර් ප්‍රදේශ්, බටහිර බෙංගාලය, තමිල්නාඩු, පන්ජාබ්, මහාරාෂ්ට්‍ර, මධ්‍ය ප්‍රදේශ්, කේරළ, කර්ණාටක, ගුජරාට් සහ දිල්ලි යන ප්‍රාන්තවලින් ය.